നിശാക്യാമ്പ്

സഹോദരങ്ങളെ ,
അസ്സലാമു അലൈക്കും
ക്ഷേമം നേരുന്നു, പാസ് uae എന്ന കൂട്ടായ്മ രുപപ്പെടുത്തിയത്തിനു ശേഷം നമ്മെലെല്ലാവരും ഷാര്‍ജ അല്‍ മംസറില്‍ 29-09-2011 വ്യാഴം 9.30 നു രാത്രി ഒരുമിച്ചു കൂടുവാന്‍ തീരുമാനിച്ച വിവരം അറിയിച്ചിരിക്കുമല്ലോ. നമ്മോടൊപ്പം ആ രാത്രി സാക്രിയമാക്കുവാന്‍ അതിഥികളായി ശ്രദ്ധേയ വ്യക്തിത്വങ്ങളുടെ സാനിധ്യം കൊണ്ടും വൈവിധ്യമായ പരിപാടികള്‍ കൊണ്ടും ശ്രദ്ധേയമാകുന്ന ഈ പരിപാടിയിലേക്ക് താങ്കളുടെ സജീവ സാനിധ്യം ഞങ്ങള്‍ ഹ്രദയപൂര്‍വ്വം അഭ്യര്‍ത്ഥിക്കുന്നു.

പ്രോഗ്രാം 9.30 pm

ഖിറാത്ത് : നവാസ് എ.കെ

സ്വാഗതം :സെക്രട്ടറി

മുഖ്യപ്രഭാക്ഷണം : ......................( നവലോക ക്രമത്തില്‍ ഇസ്ലാമിക പ്രവര്‍ത്തകന്റെ പങ്ക് )

11 : മണി.
ഭക്ഷണം - വിശ്രമം

11 : 45
പഠനക്ലാസ് (മയ്യത്ത്‌ സംസ്കരണവും കര്‍മശാസ്ത്ര വിധികളും)

12 : 30
സര്‍ഗക്കുട്ടയ്മ : സുബൈര്‍ വലകെട്ട്, സുപ്പി പൈങ്ങോട്ടായി, നവാസ് എ.കെ
ക്വിസ് മത്സരം : റാഷിദ്‌ സി.എച്ച്

2 to 3 am
ചര്‍ച്ച : "പാസിന്റെ പ്രവര്‍ത്തനങ്ങള്‍, വ്യാപ്തി, സാധ്യത, താങ്കള്‍"
അഷ്‌റഫ്‌ വരിക്കോളി, റഫീക്ക് കെ.കെ (സിക്രട്ടറി പാസ് )

3 to 3 :30
സുലൈമാനി

3 :30 to 4 am
ഖിയാമുല്ലൈല്‍

4 am

സമാപനം : അന്‍വര്‍ അലി ( പ്രസിഡന്റ് പാസ് )

പഞ്ചായത്ത് പ്രസിഡന്റ് ചൈനയിലേക്ക്!!!

പ്രവാസി സംഗമം

ശാന്തിനഗറിലെ പ്രവാസികളുടെ ഒത്തു ചേരലിന്  ജമാഅത്തെ ഇസ്ലാമി വഴിയൊരുക്കുന്നു. പ്രവാസി സംഘമം സപ്തംബര്‍ 15 വ്യാഴാഴ്ച മഗ്രിബിനു ശേഷം കൊടുമയില്‍ ചേരും. പ്രസിഡന്റ് അഷ്റഫ് പുത്തലത്ത് അദ്ധ്യക്ഷത വഹിക്കുന്ന പരിപാടിയില്‍ ടി.മുഹമ്മദ് മുഖ്യ പ്രഭാഷണം നടത്തും.

പെരുന്നാളിന്റെ തലേദിവസം നാടിനു പുറത്ത് പഠിക്കുന്നവരുടെ ഒരു സംഗമം നടത്തിയിരുന്നു. അതിന്റെ തുടര്‍ച്ചയെന്നോണവും പ്രവാസികളുടെ സംഘടിത ശക്തി ശാന്തിനഗറിന്റെ സാമൂഹിക വിദ്യാഭ്യാസ പുരോഗതിക്ക് ഉപയോഗപ്പെടുത്തുക എന്നതും പരിപാടിയുടെ ലക്ഷ്യങ്ങളാണ്. ടീ പാര്‍ട്ടിയും ചര്‍ ച്ചയും നടക്കും .

ശാന്തിയുള്ള ശാന്തിനഗറിനായി...

നിശാക്യാമ്പ്

ശാന്തിനഗറിലെ പ്രവാസികള്‍ക്ക്‌ പുത്തന്‍ അനുഭവവുമായി പാസ്‌
"നിശാക്യാമ്പ്" സം ഘടിപ്പിക്കുന്നു....
കക്ഷി രാഷ്ട്രീയ ഭേദമന്യേ ശന്തിനഗരിലെ എല്ലാ പ്രവാസികളെയും ഞങ്ങള്‍ സ്നേഹപൂര്‍വ്വം ഈ പരിപാടിയിലേക്ക് സ്വാഗതം ചെയ്യുന്നു ..

ഖുര്‍ആന്‍ ക്ലാസ്സ്‌ ..
നാട്ടുകൂട്ടം ....
ക്വിസ് മത്സരം..
കലാപരിപാടികള്‍ ...

തുടങ്ങിയ വ്യത്യസ്ത പരിപാടികള്‍ ഉണ്ടായിരിക്കുന്നതാണ് ....

തീയ്യതി: 29/09/2011 - 8 മണി
സ്ഥലവും മറ്റു വിവരങ്ങളും പിന്നീട് അറിയിക്കുന്നതാണ് ...

ഗൃഹാതുരത്തം പകര്‍ന്ന മറുനാടന്‍ സംഗമം

 ശാന്തിനഗറില്‍ നിന്നും പഠനത്തിനും ജോലിക്കുമായി നാടുവിട്ട ചെറുപ്പക്കാര്‍ പെരുന്നാല്‍ തലേന്ന് ശാന്തിനഗറില്‍ ഒത്തുചേര്‍ന്നത് പുതുതലമുറക്ക് ഹൃദ്യമായൊരനഭവമായി. പഠനത്തിന്റെയും ജോലിയുടെയും വിശദാംശങ്ങള്‍ പങ്കുവെച്ച് പരസ്പരം പരിചയം പുതുക്കി.ശാന്തിനഗറിന്റെ ദീനീപരവും വിദ്യാഭ്യാസപരവുമായ ഉണര്‍വ്വില്‍ തങ്ങള്‍ കൂടി എന്ത് സംഭാവനകള്‍ അര്‍പ്പിക്കാന്‍ കഴിയുമെന്ന ആലോചനക്ക് സംഗമം വഴിതെളിച്ചു. തങ്ങള്‍ക്കൂടി രചിക്കുന്നതാണ് ഈ നാടെന്ന സംഗമത്തില്‍ പങ്കെടുത്തവര്‍ക്ക്്് ബോധ്യമായി.

ടി.മുഹമ്മദ് നാട്ടിലെ സംഭവവികാസങ്ങളെക്കുറിച്ച ചര്‍ച്ക്ക് നേതൃത്തം നല്‍കി. താര റഹീം നാട്ടില്‍ നടക്കുന്ന വികസന പ്രവര്‍ത്തനങ്ങള്‍ വിശദീകരിച്ചു.
ബലിപെരുന്നാള്‍ അവസരത്തില്‍ പ്രവാസികളെക്കൂടി ഉള്‍പ്പെടുത്തി വിപുലമായ കുടുംബസംഗമം നടത്താന്‍ തീരുമാനിച്ചു.ഫെസ് ബുക്കില്‍ ഗ്രൂപ്പ് ഇആരംഭിക്കും .ആതിഥേയരായ നാട്ടുകാര്‍ ഉള്‍പ്പെടെ അറുപത്തി മൂന്ന് പേര്‍ പങ്കെടുത്തു.
പി.അശ്‌റഫ് അധ്യക്ഷത വഹിച്ചു. 

വിശദാംശങ്ങള്‍ക്ക് ബന്ധപ്പെടുക.9497806056 ഇ. ബഷിര്‍ മാസ്‌ററര്‍,9946703380 പി.അശ്‌റഫ്

സമാധനത്തിന്റെ,

സാഹോദര്യത്തിന്റെ,

നന്മയുടെ,
ഈദ് ആശംസകള്‍

ലൈലത്തുല്‍ ഖദര്‍ എളവനച്ചാല്‍ ജുമാ മസ്ജിദ് ഒരുങ്ങി.

വിശുദ്ധ മാസത്തിലെ അവസാന രാവുകളെ വരവേല്‍ക്കാന്‍ ശാന്തിനഗര്‍ മഹല്ല് സിരാകേന്ദ്രമായ എളവനച്ചാല്‍ ജുമാ മസ്ജിദ് ഒരുങ്ങി. ഇന്ന് പള്ളിയില്‍ മഹല്ല് നിവാസികള്‍ ഒന്നടങ്കം വന്നെത്തുന്ന  ഇഫ്താര്‍ മീറ്റ് നടക്കും. പ്രാര്‍ത്ഥനകള്‍ക്കെത്തുന്നവര്‍ക്കായി എല്ലവിധ സൌകര്യങ്ങളും മഹല്ല് കമ്മറ്റിയുടെ നേത്രുത്വത്തില്‍ ഒരുക്കിയിട്ടുണ്ട്. പ്രത്യേക പ്രാര്‍ത്ഥനകള്‍ക്കും നമസ്കാരത്തിനും ഖത്തീബ് കെ.പി.കെ. ഇസ്ലാഹി നേത്രുത്വം കൊടുക്കും.

സമാധാനം വീണ്ടെടുക്കുക - പാസ്

ശാന്തിനഗറില്‍ കഴിഞ്ഞ ദിവസങ്ങളിലുണ്ടായ അനിഷ്ടസംഭവങ്ങളില്‍ പാസ് നടുക്കം രേഖപ്പെടുത്തി. ശാന്തിനഗറിന്റെ ചരിത്രത്തില്‍ കേടുകേള്‍വി പോലുമില്ലാത്ത ഇത്തരം സംഭവങ്ങള്‍ ആവര്‍ ത്തിക്കാതിരിക്കാനും നാടിന്റെ പേരിനെയും സംസ്കാരത്തെയും  കളങ്കപ്പെടുത്തുന്ന ഇത്തരം പ്രവണതകളില്‍ ഏര്‍പ്പെടുന്ന സാമൂഹിക ദ്രോഹികളെ ഒറ്റപ്പെടുത്താനും ജാതിമത ഭേതമന്യേ എല്ലവരും ഒറ്റക്കെട്ടായി രംഗത്തിറങ്ങണമെന്നും പാസ് ആവശ്യപ്പെട്ടു. വിള്ളല്‍ വീണ സൌഹാര്‍ദം എത്രയും വേഗം പുന:സ്രുഷ്ടിക്കാന്‍ കഴിയട്ടെ എന്നും പ്രത്യാശ പ്രകടിപ്പിച്ചു.

ജമാഅത്തെ ഇസ്ലാമി ആശങ്ക പ്രകടിപ്പിച്ചു.

 വിവിധ ജനവിഭാഗങ്ങല്‍ പരസ്പര സൗഹാര്‍ദ്ദത്തോടെ പതിററാണ്ടുകളായി ജീവിച്ചുവരുന്ന ഒരു പ്രദേശത്ത് സംഘര്‍ഷാവസ്ഥ ഒഴിവാക്കാനും സമാധാനം നിലനിര്‍ത്താനും പ്രദേശത്തെ മത-സാമൂഹിക-രാഷ്ടിയ നേത്രത്തവും നിയമപാലകരും കൂടുതല്‍ ജാഗ്രത പാലിക്കണമെന്നും ജമാഅത്തെ ഇസ്ലാമി ശാന്തിനഗര്‍ ഹല്‍ഖാ യോഗം ആവശ്യപ്പെട്ടു.ശാന്തിയും സമാധാനവും നില നിര്‍ത്താന്‍ മുന്നിട്ടിറങ്ങാനും യോഗം ആഹ്വാനം ചെയ്തു.പ്രസിഡന്റ് പി.അഷ്‌റഫ് അധ്യക്ഷത വഹിച്ചു.

ജനകീയ വികസന സമിതി അപലപിച്ചു.

 ശാന്തിനഗറില്‍ ബോധപൂര്‍വ്വം സംഘര്‍ഷം സൃഷ്ടിച്ച് സാമുദായിക ധ്രുവീകരണം നടത്തി മുതലെടുപ്പ് നടത്താനുളള സാമൂഹിക വിരുദ്ധശക്തികളുടെ ശ്രമത്തെ സമൂഹം തിരിച്ചറിയണം.പ്രദേശത്ത് സമാധാനം നിലനിര്‍ത്താന്‍ സര്‍വ്വജനങ്ങളും രംഗത്തിറങ്ങണമെന്നും യോഗം ആവശ്യപ്പെട്ടു.പ്രസിഡന്റ് എം.സിദ്ധീഖ് മാസ്‌ററര്‍ അധ്യക്ഷത വഹിച്ചു.വാര്‍ഡ് മെമ്പര്‍ താരാ റഹീം,സി.എം ദാമോദരന്‍,ടി.ശാക്കിര്‍ സംസാരിച്ചു

വേളം ശാന്തിനഗറിലെ അനിഷ്ഠ സംഭവങ്ങളില്‍ സര്‍വ്വകക്ഷി യോഗം അപലപിച്ചു

. കഴിഞ്ഞദിവസങ്ങളില്‍ വേളം ശാന്തിനഗറിലുണ്ടായ വിവിധങ്ങളായ അനിഷ്ഠ സംഭവങ്ങളില്‍ ശാന്തിനഗറില്‍ ചേര്‍ന്ന സര്‍വ്വകക്ഷിയോഗം അപലപിച്ചു. പഞ്ചായത്ത് പ്രസിഡന്റ്    കെ സി സല്‍മ ടീച്ചര്‍ അധ്യക്ഷത വഹിച്ചു.എന്‍.കെ രാമചന്‍ദ്രന്‍, എന്‍.കെ ശശി മാസ്‌ററര്‍,കെ.പി.പവിത്രന്‍.എന്‍.വി.അബ്ദുല്ല മാസ്‌ററര്‍,സി.എം കുമാരന്‍,കെ.ഇബ്‌റാഹിം മാസ്‌ററര്‍,ഇ.ബഷീര്‍,പഞ്ചായത്ത് വൈസ്.പ്രസിഡന്റ് സി. പി.കുഞ്ഞികണ്ണന്‍ എന്നിവര്‍ സംസാരിച്ചു.
പ്രദേശത്ത് സമാധാനം നിലനിര്‍ത്താന്‍ വാര്‍ഡ് മെമ്പര്‍ താരാ റഹീമിന്റെ നേത്രത്തത്തില്‍ ജനജാഗ്രതാ സമിതി രൂപീകരിച്ചു.വാര്‍ഡ് മെമ്പര്‍ താരാ റഹീം സ്വാഗതം പറഞ്ഞു.

അറിവും അനുഭൂതിയുമായി ഇഫ്താര്‍ സംഗമം

ജമാഅത്തെ ഇസ്ലാമി ചേരാപുരം ഘടകത്തിന്റെ ആഭിമുഖ്യത്തില്‍ പൂളക്കൂലില്‍ സംഘടിപ്പിച്ച ഇഫ്താര്‍ സംഗമം പ്രദേശ വാസികള്‍ക്ക് പുതിയൊരനുഭവമായി മാറി.സോളിഡാരിററി സംസ്ഥാന ജന:സെക്ര: ടി. മുഹമ്മദ് വേളം റമദാന്‍ സന്ദേശം നല്‍കി. അശ്‌റഫ് പൂളക്കൂല്‍ സ്വാഗതം പറഞ്ഞു.

സ്കൂള്‍ പാര്‍ ലിമെന്റ് ഇലക്ഷന്‍ SIO വിന് ഉജ്വല വിജയം.

വേളം ഹയര്‍ സെക്കണ്ടറി സ്കൂള്‍ പാര്‍ലിമെന്റ് ഇലക്ഷനില്‍ ഒറ്റക്ക് മല്‍സരിച്ച എസ്.ഐ.ഒ. ഒരു സീറ്റ് കരസ്ഥമാക്കി.രണ്ട് സീറ്റുകളിലേക്കാണ് എസ്.ഐ.ഒ. മല്‍ സരിച്ചത്. VIII-E ക്ലാസില്‍ മല്‍സരിച്ച പി.കെ. സജാദ് ആണ് ഈ ഉജ്വല വിജയം കരസ്ഥമാക്കിയത്. പോള്‍ ചെയ്ത 33 വോട്ടില്‍ 25 ഉം എസ്.ഐ.ഒ വിന് ലഭിച്ചു. വിദ്യാര്‍ത്ഥി സംഘടനകളുടെ നിരന്തര സംഘര്‍ഷങ്ങളുടെയും സമരങ്ങളുടെയും കുത്തരങ്ങായ വേളം ഹയര്‍ സെക്കണ്ടറി സ്കൂളില്‍ സര്‍ഗ്ഗാത്മക പ്രവര്‍ത്തനങ്ങള്‍ക്കു മുന്നിട്ടിറങ്ങി കലാലയ രാഷ്ട്രീയ രംഗത്ത് ശ്രദ്ധേയമായ ചുവടുവെപ്പ് നടത്തിയ എസ്.ഐ.ഒ. പ്രവര്‍ത്തകരെ ശാന്തിനഗര്‍  ജമാഅത്തെ ഇസ്ലാമി, സോളിഡാരിറ്റി, എസ്.ഐ.ഒ. എന്നിവ അഭിനന്ദിച്ചു.

ഇഫ്താര്‍ മീറ്റ് ഫോട്ടോകള്‍.

ഐക്യത്തിന്റെ സന്ദേശമുയര്‍ത്തി പാസ് ഇഫ്താര്‍.

യു.എ.ഇയിലെ ശാന്തിനഗറുകാരുടെ കൂട്ടായ്മയായ പ്രവാസി അസോസിയേഷന്‍ ശാന്തിനഗറും ജമാഅത്തെ ഇസ്ലാമി ശാന്തിനഗര്‍ ഹല്‍ഖയും സംയുക്തമായി സംഘടിപ്പിച്ച ഇഫ്താര്‍ നന്മയെ സ്നേഹിക്കുന്നവരുടെ ഒത്തു ചേരലിന് വേദിയായി. രാഷ്ട്രീയ അതിക്രമങ്ങള്‍ക്കൊന്നും ശാന്തിനഗറിന്റെ മനസ്സിനെ വിഘടിപ്പിക്കാന്‍ കഴിയില്ലെന്നും അതിനൊന്നും ഈ മണ്ണില്‍ സ്ഥാനമില്ലെന്നും വിളിച്ചോതുന്ന രീതിയില്‍ ജാതി മത ഭേദമന്യേ 400 ല്‍ പരം ആളുകളാണ് ഇഫ്താര്‍ മീറ്റിലേക്ക് ഒഴുകിയെത്തിയത്. സംഘാടനം കൊണ്ടും ബഹുജന പങ്കാളിത്തം കൊണ്ടും മീറ്റ് ശ്രദ്ദേയമായി.

 

ഇഫ്താറിന്  തൊട്ടു മുമ്പായി മദ്റസ അങ്കണത്തില്‍ മഹല്ല് സെക്രട്ടറി പി.കെ. അഷ്റഫ് മാസ്റ്ററുടെ അദ്ധ്യക്ഷതയില്‍  നടന്ന സംഗമത്തില്‍ സോളിഡാരിറ്റി പ്രസിഡന്റ് ടി. ശാക്കിര്‍ ഇഫ്താര്‍ സന്ദേശം നല്‍കി. വേളം ഗ്രാമപഞ്ചായത്ത് മെമ്പര്‍ ടി.വി മനോജന്‍, പവിത്രന്‍ മാസ്റ്റര്‍, ഹല്‍ഖാ സെക്രട്ടറി ബഷീര്‍ മാസ്റ്റര്‍ തുടങ്ങിയവര്‍ ആശംസകളര്‍ പ്പിച്ചു.
ഹല്‍ഖാ നാസിം പി.അഷ്റഫ്, വാര്‍ഡ് മെമ്പര്‍ താരറഹീം, പാസ് പ്രസിഡന്റ് പി.എം. ഇഖ്ബാല്‍ തുടങ്ങിയവര്‍ പരിപാടിക്ക് നേത്രുത്വം കൊടുത്തു.

പ്രവാസി ഭൂമിയില്‍ കൊടും ചൂടില്‍ നോമ്പെടുക്കുന്ന, നാട്ടിലെ നോമ്പും ഇഫ്താറുമൊക്കെ ഒരു നൊമ്പരമായി മനസ്സില്‍ കൊണ്ടുനടക്കുന്ന പല കാരണങ്ങളാല്‍ നാട്ടിലെ നോമ്പ് അനുഭവിക്കാന്‍ കഴിയാതെ പോയ പാസ് പ്രവര്‍ത്തര്‍ക്ക് ഈ നന്മയുടെ കൂട്ടായ്മയ്ക്ക് അകലെ ഇരുന്നു കൊണ്ട് പങ്കാളികളാകാന്‍ കഴിഞ്ഞത് മനസ്സില്‍ സന്തോഷത്തിന്റെ കുളിര്‍ മഴ പെയ്യിച്ചു..